Sherni Movie Review in hindi – Sherni movie story explain

Sherni Movie Review in hindi dosto aaj hum iss article me sherni movie story explain karne wale hai. yah post padhne ke baad aapko sherni movie ki puri kahani samajh aa jayegi to padhna jaari rakhiye chaliye shuru karte hai.

Sherni Movie Review in hindi - Sherni movie story explain
Sherni Movie Review in hindi – Sherni movie story explain

Bombay Begums web series story explained

Sherni Movie Review in hindi

Circus gaye ho kabhi nahi chalo internet par koi video to dekha hi hoga. ek simple sa question hai mera asli janwar hai koun. wo jo maar ke dar se dusro ke isharo pe nachta hai ya wo jiske liye kisi dusro ko tadpaana uske liye manoranjan ka zariya ban jaye soch ke batana.

Bas kuch aise hi tedhe medhe sawalo se mulaqat karne ko tayaar ho jao ek dhokebaz film ke through. dhoka kyo kaise sab kuch bataunga filhal swagat hai sherni ke review me.

sunflower web series review in hindi

Sherni movie story explain

Kahani ek ghane jungle ke around tayaar ki gayi hai jisme janwar hai insaan hai aur teesra sabse intresting rakshas bhi hai wo jo hum sab ke andar chhupe baithe hai.

Iss jungle ko disturb kiya hai ek tiger ne jo kabhi raat ke andhere me to kabhi din ki raushni me. chhote masoom janwar ya fir unke malik insaano ko apni bhook mitaane ke liye istemal kar raha hai.

Gaon walo ko iss dar se aazadi dilaane ki zimmedari daali gayi hai vidhya naam ki ek forest officer ke kandho pe. madam ekdum 100% imandaar sarkari naukar hai jo apne kaam se saccha ishq karti hai.

Lekin jungle ka apna alag hi kanoon hai wo kisi sarkar ya officer ke isharo pe nahi chalta. ek simple line me jo kamzor hai wo kisi taaqatwar ka shikar banega.

Bas kuch aisa hi karnama banke saamne aate hai iss jungle me hone wale khatarnak incident. jinme har raat ki agli subah ko kisi insaan ke aadhe khaye hue sharir milna shuru ho jate hai.

Lekin kahani me asli twist tab aata hai jab ye tiger ke daanto se hone wali maut gaon ki politics ka hathiyar ban jati hai. do neta ji apni safed topi bachaye rakhne ke liye pure gaon ko khoon se laal rang denge aur ilzaam bechare tiger bhaiyya pe jayega.

November Story web series review in hindi

Waise iss kahani me ek intresting character aur bhi hai ek mashhoor hunter hai. jo mare hue sher ki body me ghusai gayi bandook ki goli ko apni trophy samajhte hai.

Ab mission ekdum simple hai tiger ko dhundo uske dar se gaon walo ko chhutkaara dilao aur jungle ke kanoon ko sach sabit kar do kamzor vs taaqatwar wala.

Are bhai aapne padha hoga ki sher jungle ka raja hota hai na wo sirf kisse kahaniyo ke liye hai. ye jo badi si duniya hai na jisme hazaro jungle maujud hai uska sabse bada shaitan khud insaan hai jo iss kahani me sher ko kha kar apni bhook mitana chahta hai lekin uske do tarike hai.

Pahla apne hunter bhaiyya ka style ek second me goli sher ke sharir se aar paar mukti aazadi on the spot.

Dusra apne vidhya madam ka tarika jaal bichhao sher ko bulao pyar se sahelao aur jungle se utha kar sidha kisi national park wagera me pahocha do.

Bas yaha se kahani makdi ke jaal ki tarah dheere dheere gol gol ulajhne lagti hai center me hai apni sherni jinke charo taraf insaan rakshas banke baitha hua hai.

End me jeet kiski hogi aur jungle ka kanoon waqai haqiqat me exist karta hai ya sirf padhe likhe logo ke muh se nikla ek mazedaar dialogues hai jawab aap khud dhund lena amazon prime par.

The Girl on the Train movie review in hindi

Sherni Movie Review in hindi

Ab aa jao mudde ki baat pe film dekhni chahiye ya fir nahi ek line me bolu to film har kisi ke liye nahi hai not for everyone.

Sherni jiska poster dekh kar ya fir uski story line sunkar aap usko thriller suspense wali film samajhne ki galti kar baithe ho sab kuch dhoka hai mere dost aisa film me kuch bhi nahi hai wo haqiqat me ek naye jhonra ki film hai jiska naam hai duniyadari.

Ek nazar me bahar se dekhoge to film ki kahani bilkul simple aur sidhi hai koi twist nahi koi suspense nahi kuch log to boring bhi bol denge shayad. lekin wapis palat kar thoda dimag ko khol kar dekhoge to ek hi kahani me 4/5 kahaniya nazar aa jayengi.

Layer by layer wo makdi ke jaal ki tarah jiske focus me koi sher ver nahi hai mai aur aap hai jo buri tarike se duniya ke jaal me fase hue hai.

The Big Bull Movie review in hindi

Pahle film ki khasiyat sunlo fir bad me iski weakness ke bare me jaan lena.

Positive number 1 film raw tarike se shoot ki gayi hai aisa lagega aap khud jungle ke bich me baithe ho aur kisi bhi movements sher attack kar sakta hai ye dar dimag se niklega nahi ekdum unique type ka experience hai.

Positive number 2 asli jungle ka raja koi janwar nahi apne safed topi wale neta ji hai isko bina dare hue imandaari se present kiya gaya hai.

Positive number 3 maut jisse hum sabse zyada darte hai kaise wo kuch logo ke liye ek aadat ban gayi hai subah utho khana khao sham ko kisi ki lash dekho aur fir nind ki baaho me jaake agli subah dobara kisi ki maut ke gawah banne ka intezar ye chiz dil par nishan chhod degi.

Bicchoo Ka Khel review in hindi

Ab aao weakness par matlab film ki kamzori kya hai.

Number 1 kahani ekdum slow pace par chalti hai shuru ke ek ghante to aisa lagega ki film jaha se shuru hui wahi ruki hui hai kuch hota kyo nahi hai.

Dikkat number 2 kahani batane ka tarika matlab narration style bahut hi gadbad hai matlab director sahab ye maan liye hai ki 99% audience katai mature hai jo bina kuch bole hi scene ke pichhe ki gaherai samajh jayegi aisa nahi hai sir ji.

Hota iska ekdum ulta hai sirf 1% log khud se kisi film ki kahani me dimag lagana chahte hai baki sab ko khullam khulla style pasand hai sab kuch bol ke bata do isharo me baate mat karo.

Gadbad number 3 janwar insaan ka dushman nahi dost hai ye film me dialogues to kafi baar mara gaya hai lekin usko dikhana film ke makers bilkul bhul gaye jiski wajah se film ka jo main message hai wo ho jata hai ekdum fail.

To bhaiyya in short iss sherni ke pichhe doud lagana har kisi ke bas ki baat nahi hai film tabhi dekhna jab har scene me aap apna dimag istemal karna chahte ho yaha par kuch bhi plate me saja ke nahi milne wala ulta film boring lag sakti hai pure do ghante barbad ho gaye aisa pachtava bhi ho sakta hai choice aapki hai.

Radhe Shyam movie story explained in hindi

Sherni movie story explain

Baki article me kuch pasand aaya ho ya fir koi shikayat hai to mai instagram par bhi mil jaunga nahi to aap yaha se comment bhi kar sakte hai. agar aapko sherni movie review post pasand aayi ho to iss post ko apne sabhi freinds family aur social media par share zaroor kar dena thank you.

Share on:

हेल्लो फ्रेंड्स मेरा नाम ज़मीर शेख है और मैं इस वेबसाइट का Co-Founder हु. आपको इस वेबसाइट पर हर आने वाली new movie review पढने को मिलेगी. जिसमे हम आपको हर मूवी की स्टोरी लाइन को काफी अच्छे से एक्सप्लेन करके आपको समझाते है.

Leave a Comment