Sunflower Web Series Review in hindi – Sunflower web series story explained

dosto aaj hum aapko iss article me sunflower web series review in hindi me batane wale hai matlab iss web series ki puri story explain karne wale hai to chaliye shuru karte hai aur jaante hai iss web series ki complete story kya hai aur kaisi hai.

Sunflower Web Series Review in hindi - Sunflower web series story explained
Sunflower Web Series Review in hindi – Sunflower web series story explained

November Story web series review in hindi

Sunflower Web Series Review in hindi

Kabhi kisi ko dil diya diya kabhi kisi ko pyar kiya kiya bas ruko zara iske aage mai bhi to kuch puchhlu mera sawal ekdum chahal ki googly hone wala hai.

The Girl on the Train movie review in hindi

Sunflower web series story explained

Computer ji zara puchhiye to sahi kabhi kisi ko phool diye ki sirf dusro ko fool banaya jawab haa hai ki naa usko chhodo lekin p wala phool aur f wala fool agar inme se kisi ek me bhi aapko interest hai to fir mere dost aaj aapke upar content ki barish hone wali hai.

Wo jisme dimag aisa gila hoga ki jisko nichod ke sukhane ke baad bhi sir ke upar naye naye sawalo ki machliya taherti nazar ayengi. upar bole gaye shabd agar aapke sir ke upar se guzar gaye to boss ye to sirf shuruaat hai.

Mai to bas aapki training kar raha tha aage aane wale khatre ke liye jisko market me zee5 ne utara hai. sunflower ek aisa chalak thriller show jo dimag ko ekdum gol gol ghumakar chakkar khane ko majboor kar dega.

Suspense mystery comedy ka aisa deadly combination jo kisi bhi sacche cinema lover ke liye lakho karodo ki lottery se bhi zyada keemti hai wo bhi bollywood me. meri aankho se to aansoo hi bah gaye.

Kahani sunflower naam ki ek aalishaan chamakdar aur raiso wali society se shuru hoti hai jaha pe logo ki soch me dum ho na ho lekin pocket ka wajan hai ekdum bhari. lekin jaise chand pe daag hote hai waise hi iss society pe mota kala dhabba lag gaya hai ek murder ke roop me.

Bicchoo Ka Khel review in hindi

Sunflower web series story explained

Ji haa mister kapoor ka murder ho gaya hai banda bathroom me port par baithe baithe hi narak ki yatra par nikal gaya. aise bhi koi jata hai kya chhi aur ohh dono sath me feel ho rahe hai.

Ab shak ki sui do taraf ghum rahi hai ek taraf hai kapoor ji ke padosi mister ahuja ye bhaisahab jo padhai likhai me champion hai aur baccho ko bhi aage apne raste par badhne ki shiksha de rahe hai.

Are banda teacher hai wo bhi double phd ki degree wala naam ke aage do bar doctor laga sakta hai. lekin dikkat ye hai ki mare hue kapoor se inke rishte kafi gadbad the jiske gawah society me rahne wale baki sabhi log hai.

Shakki number 2 matlab shak hone wale dusre insaan ka naam hai sonu ( sunil grover ) wo jo har shahar me har ghar me har office me har sadak par kahi bhi mil sakta hai bande ki soch aur harkat dono ekdum mere aapke jaisi middle class hai.

Sonu the common man jo agar bheed me kahi logo ke bich kho jaye to shayad usko dhoond kar nikalna almost impossible hai kyo ke bande me kuch bhi special nahi hai lekin kapoor se isko jodti hai food delevery.

Ji haa bande ne ussi hotel se chinese order kiya tha jaha se kapoor ne apni zindagi ka aakhri khana mangvaya tha wo bhi same time par. daya kuch to gadbad hai ya shayad nahi.

Sonu ka ek chhupa hua talent aur bhi hai jisse shayad puri duniya ka har ladka aag me jalkar bhasm ho sakta hai. haa ji kyo ki sonu ladkiyo ke dimag ko padh sakta hai. are banda lipstick aur nail polish bechne wali company ka sales man hai.

In short aurat ke dimag me kya hai wo koi nahi padh sakta type ke sawal sonu ke saamne ekdum fail hai zero shunya. ek teesra character jispe mujhe personally kafi zyada daal me kuch kala type ki feeling mahesoos ho rahi hai sunflower society ke future chairman mister dilip iyer.

Sunflower web series story explained

Shak ki wajah kya hai yahi soch rahe ho darasal bande ka sunflower se ishq apne pariwar aur apne baccho wale pyar inn sab se kafi zyada gahra hai bas yu samajhlo inki zindagi ka sirf ek sapna hai sunflower ko duniya ki number 1 society banana jiske liye jaan de bhi sakte hai aur jaan le bhi sakte hai.

Society ye yaad aaya sunflower me ghar lena hai to dilip sahab ke banaye hue kuch ajeebo gareeb rules ki list ko match karna padega zara suno kya kya hai. pahla bachelors wo log jo shadi shuda nahi hai unki building me entry band hone wali hai.

Dusra jinki shadi ho chuki hai bahut badhiya lekin galti se toot gayi matlab devorce unke liye bhi no entry. teesra sirf ladka ya ladki hona bahut zaroori hai matlab g*y las*ian trans*ender ye sare shabd sunflower ki izzat se match nahi karte.

Ye meri soch nahi hai haa bas mai dilip sahab ke rules bata raha hu.

Ab iss sab rayate ko sametne ki zimmedari daali gayi hai apne mumbai shahar ki bahadur aur zimmedar police ke kandho par.

Officer number 1 sd ji kafi garam dimag ke hai jhut bolne wala insaan aur faltu time ki barbadi karne wala kumbhakaran inn dono type ki prajatiyo se sakt nafrat karte hai.

Officer number 2 chetan tambe ye banda apni zindagi ekdum mauj se jita hai patni se rishta todkar sir ji roz nayi girlfriend se dil laga baithte hai lekin kaam pe doubt mat karna bande ka dimag lomdi se bhi tez hai.

Ab total 3 sawal hai jinke liye aapko show abhi ke abhi fatafat iss article ko padhne ke baad jakar turant dekhna padega.

Sawal number 1 ye kapoor ke naam ke aage late likhvane wala banda hai koun? apne teacher sahab sonu the sales man ya fir koi teesra chhupa rustam jo sabki aankho me dhul jhonk raha hai.

Sawal number 2 ye dilip iyer ka sunflower se itna gahra ishq sirf ek normal si baat hai ya fir pichhe hai kuch aisa secret mission jisko upar se duniya ko ullu banane ke liye inhone sunflower ka mask pahna rakha hai.

Sunflower Web Series Review in hindi

Aur teesra intresting sawal ye kapoor aakhir hai koun koi iski jaan kyo lena chahega. bhai family dost dushman koi to hoga ya sab hawa me gayab ho gaye aur ye port par baith kar yamraaj se mulaqat karne ka idea kapoor ke dimag me daala kisne aur kaise yar how.

Ab aa jao mudde ki baat pe iss show me aisa kya hai jiski wajah se baki sab kuch chhod kar keemti waqt kharch karke pure 8 episodes ek baar me dekh daale jaye. jawab hai writing yar aap khud socho kisi insaan ki jaan jaane par hasi aana koi normal baat hai kya.

Kisi ki tragedy me comedy dhund kar nikalna isko bolte hai talent guru matlab aisa witty dark humour jo choro ki tarah muh chhupa kar hasne par majboor kar dega khud par gussa bhi ayega lekin hasi chhut jayegi.

Hasi se yad aaya bahut sari funny situations hai jo na to aaj tak pahle kabhi dekhi hai na suni hai ekdum khatarnak next level ki creativity.

Sunflower web series story explained

Lift me zinda logo ke sath dead body ka ek floor se dusre floor pe chadhna utarna bathroom me ghuse bande ka pant chori hone ke baad office ke cctv me skirt pahan kar record hone wala video.

Chalo hasi majak ko side me rakh do sunspen bhaiyya itna gahera aur itna majboot ki 8 episodes dekhne ke baad bhi sahi jawab kya hai ispar shak continue rahega.

Aisi chalak aur shatir kahani jisme starting kya hai aur ending kya iska pata lagana ekdum namumkin hai. circle jaha se shuru kiya wahi pe aakar khatam hone se thik pahle dobara naya chakkar shuru koi ending hai hi nahi.

Matlab first episode shuru hote hi sare sawalo ke jawab aapke saamne rakh diye jayenge. dil bechara bhola bhala masoom maan bhi jayega ki haa yahi kahani hogi lekin dimag jaanta hai ki show likhne wala banda bahut tez hai aur janbhuj kar public ke emotions ke sath khel raha hai ekdum different style ki story telling.

Dhokebazi ka koi award hota to khushi khushi mai iss show ke naam likh deta usko. matlab har second par kahani ke rang roop sab kuch badalte hai wo upar bola tha na fool bas bewakuf banane me ustad hai ye show.

Upar se itni sari real life situations uthai gayi hai ki show se lagatar personal connection sa feel hote rahta hai. do padosiyo ki aapas me chalne wali life time khud ko dusre se behtar sabit karne wali race kisi naye ghar ki talash karte waqt duniya ke niyam kayado ka chalaki aur jugad se solution dhundna single aur bachelor mera ishara samajh gaye honge.

The Big Bull Movie review in hindi

Sunflower Web Series Review in hindi

Aur to aur ye tv par aane wale reality show me contestant ki batai gayi dukh bhari kahaniyan aur fir unke piche ki sacchai. upar ki teeno bate real life me exhaust karti hai aur hum sab life me kabhi na kabhi inko experience kar chuke hai isliye ye show paraya nahi apna saa lagta hai.

Aur kamaal ki chiz jaante ho kya ek hi show me 4/5 alag alag kahaniya ghum rahi hai padosiyo wali pati patni ki same gender relationship psycho and clever sales man do police officer ka ek dusre se chuhe billi wala khel paise ek ke do lekin maja 5 in 1.

Inn sabse bhi agar pet nahi bhara to bhaiyya gupti apne sunil grover kya kamaal ki acting ki hai matlab pairo ke niche se zameen sarak jayegi. banda ekdum criminally underrated hai faltu tv show me joker banake ghumate hai inko lekin yaha pe ye public ko joker banake nacha rahe hai.

Har ek scene jisme ye prakat hote hai aap confuse ho jaoge ki bande ki baat aur halaat me zor zor se hasna ya fir iski chalaki par taali maarni hai. pata hi nahi hai ki ye hero hai ya chor isko bolte hai dumdaar acting boss.

Ranveer shorey ye bhaisahab to apne kaam me pahle se hi expert hai bas itna bol sakta hu ki show me inke character ko dekh kar aapko koi actor nahi ek police officer hi nazar aayega 100% natural acting.

Sunflower Web Series Review in hindi

Lekin chhupa rustam surprise hai girish kulkarni urf chetan tambe bande ne supporting character ko show me number 1 lead bana ke rakh diya. matlab jab jab ye screen par aate hai inke saamne baki sare actors ekdum gayab aankhe hategi hi nahi.

Insaan ki shakal me lomdi ye description show me inka character aur clever and smart perfomance dono pe ekdum fit baithata hai.

Koun se scene ko kab screen par dikhana hai aur kis tarike se present karna hai iss khel me sunflower bollywood ke bade naamo wale directors ko clean bold kar dega aur show ka background music wo foundation piller hai jispar sunflower ke pure 8 episodes ekdum majbooti se khade hue hai.

Matlab jab jab kaano se iss show ka theme song takraata hai body me khoon ki speed achanak tez ho jati hai.

To yar in short kuch naya dekhna hai ekdum mast chiz jo dimag ko challange kar de aur sath me shakal par control naa hone wali hasi ke gubbare fod de to bhaiyya ekdum sahi show me aaye ho.

to dosto yah thi sunflower web series review in hindi yani sunflower web series story explained jisme hamne iss web series ki puri story samjha ke bataya iss post me i hop ki aapko pasand aayi hai.

Radhe Shyam movie story explained in hindi

Sunflower Web Series Review in hindi

Web Series – Sunflower 2021 ( hindi )

Director – Vikas Bahl

Star Cast – Sunil Grover, Sal Yusuf, Dayana Erappa, Ashwin Kaushal, Ria Nalavade, Nerurkar Simran, Sonal Jha more.

IMBD – 8.4/10

baki iss article me kuch pasand aaya ho ya fir iss post se related aapke man me koi sawal ho to aap hame comment kare aur iss post ko apne sabhi freinds family aur social media par share zaroor kare thank you.

Share on:

हेल्लो फ्रेंड्स मेरा नाम ज़मीर शेख है और मैं इस वेबसाइट का Co-Founder हु. आपको इस वेबसाइट पर हर आने वाली new movie review पढने को मिलेगी. जिसमे हम आपको हर मूवी की स्टोरी लाइन को काफी अच्छे से एक्सप्लेन करके आपको समझाते है.

Leave a Comment